Terdzo-CI-013
ཡང་གཏེར་ཕག་མོ་དཀར་མོའི་ཐུགས་ཏིག་ཡེ་ཤེས་འཁོར་ལོའི་བརྒྱུད་འདེབས་
by འཇམ་མགོན་ཀོང་སྤྲུལ་ (Jamgön Kongtrul Lodrö Taye)
revealed by གར་དབང་ལས་འཕྲོ་གླིང་པ་, འཇམ་དབྱངས་མཁྱེན་བརྩེའི་དབང་པོ་ (Garwang Ledro Lingpa, Jamyang Khyentse Wangpo)
in cycle ཕག་དཀར་ཡེ་ཤེས་འཁོར་ལོ་གསང་ཆེན་ཐུགས་ཏིག་ (Phag dkar ye shes 'khor lo gsang chen thugs tig)
Volume 35 (ཅི) / Pages 507 / Folios 1a1 to 1a6
ཡང་གཏེར་ཕག་མོ་དཀར་མོའི་ཐུགས་ཏིག་ཡེ་ཤེས་འཁོར་ལོའི་བརྒྱུད་འདེབས་བཞུགས། ཆོས་སྐུ་མཁའ་ཁྱབ་ཀུན་བཟང་རྡོ་རྗེ་འཆང་། །ལོངས་སྐུ་དཔལ་ལྡན་འཁོར་ལོ་བདེ་བའི་མཆོག །སྤྲུལ་སྐུ་ལྷན་སྐྱེས་རྡོ་རྗེ་རྣལ་འབྱོར་མ། །མཁའ་འགྲོ་ལས་ཀྱི་དབང་མོར་གསོལ་བ་འདེབས། །ཨོ་རྒྱན་པདྨ་བཛྲ་མཚོ་རྒྱལ་ཡུམ། །མངའ་བདག་རྗེ་འབངས་མཆོག་གི་འདུས་པའི་ཚོགས། ཁྱུང་པོ་དཔལ་དགེ་ཁ་རག་བདེ་ཆེན་གླིང། །མཆོག་ལྡན་མདོ་སྔགས་གླིང་པར་གསོལ་བ་འདེབས། །ཟབ་གསང་སྒོ་འབྱེད་གར་དབང་ལས་འཕྲོ་གླིང་། །བཀའ་བབས་བདུན་ལྡན་གྲུབ་པའི་འཁོར་ལོས་སྒྱུར། །པདྨ་འོད་གསལ་མདོ་སྔགས་གླིང་པའི་ཞབས། །རྩ་བརྒྱུད་རིག་འཛིན་བླ་མར་གསོལ་བ་འདེབས། །རྒྱལ་ཀུན་སྐྱེད་ཡུམ་བཛྲ་བྷ་ར་ཧི། །བདེ་སྟོང་སྒྱུ་འཕྲུལ་རྩ་གསུམ་རབ་འབྱམས་ལྷ། །རང་བྱུང་རང་ཤར་ཡེ་ཤེས་འཁོར་ལོ་ལ། །གསོལ་བ་འདེབས་སོ་བདག་རྒྱུད་བྱིན་གྱིས་རློབས། །མི་ཟད་རྒྱན་འཁོར་ལྔ་པོ་ལམ་ཁྱེར་བའི། །ཏིང་འཛིན་རྩལ་རྫོགས་གཟུང་འཛིན་ཐུག་ཕྲད་གཅོད། །ལྷ་དང་བདེ་ཆེན་བྱང་སེམས་དབྱེར་མེད་པ། །དྷཱུ་ཏིར་རབ་སྨིན་དངོས་གྲུབ་གཉིས་ཐོབ་ཤོག །ཅེས་པའང་ཟབ་ཆོས་འདིའི་ཐོག་མའི་སྣོད་ལྡན་བློ་གྲོས་མཐའ་ཡས་ཀྱིས་བགྱིས་པ་དགེ་ལེགས་འཕེལ།། །།
TSAGLI image gallery goes here