Difference between revisions of "Terdzo-A-027"

m (Text replace - "TSAGLI image gallery goes here" to "")
Line 1: Line 1:
{{UnderConstruction
+
{{UnderConstruction}}
}}
+
{{Header}}
 
 
{{Header
 
}}
 
 
= Tibetan Text =
 
= Tibetan Text =
 
<onlyinclude>
 
<onlyinclude>
 
<div id='tibetan' class='tib-text'>
 
<div id='tibetan' class='tib-text'>
༄༅༔ སློབ་དཔོན་རིན་པོ་ཆེས་མངའ་བདག་ལ་གདམས་པའི་བདུད་རྩི་དབང་ལག་གི་བཅུད་ལེན་བཞུགས་སོ༔ ཀུན་སྤང་ཟླ་འོད་ཀྱི་ཟབ་གཏེར།
+
དམ་ཆོས་རྫོགས་པ་ཆེན་པོ་སྡེ་གསུམ་ལས༔ ཕྱི་སྐོར་བླ་མ་རྣམས་ཀྱི་རྡོ་རྗེའི་གླུ་བཞུགས༔ ྈྈྈྈྈ ཕྱི་སྐོར་བླ་མའི་རྡོ་རྗེའི་གླུ་ཡི་སྡེ་ཚན་ལས༔ ལིཙྪ་བི་དྲི་མེད་གྲགས་པས་རིན་པོ་ཆེའི་ཁང་བཟང་ནས་སྐྱ་རེངས་དང་པོ་ཤར་བ་དང་དུས་མཚུངས་པར༔ ཨ་ཧོ༔ གསང་སྔགས་ནམ་མཁའི་རྣལ་འབྱོར་དྲི་མེད་གྲགས་པ་ང༔ ཡུལ་ལ་ཞུགས་པའི་སེམས་རྣམས་ཐམས་ཅད་དབྱིངས་ཉིད་དེ༔ ཅོག་གཞག་ལྷུག་པར་བཞག་པའི་རིག་པ་འདི་ཀ་རང༔ ཕྱི་ནང་གཉིས་མེད་ཟང་ཐལ་ཀུན་ཏུ་འོད་གསལ་བའོ༔ ༈ ལྷའི་དབང་པོས་རྣམ་པར་རྒྱལ་བའི་ཁང་བཟང་དུ་སེམས་བདེ་བ་ཆེན་པོ་དུས་ལས་འདས་པའི་དུས་སུ༔ ལྷ་དབང་བརྒྱ་བྱིན་བདེ་ཆེན་རང་གསལ་བདག་ཉིད་ནི༔ བདེ་བའི་ཡུལ་ལ་མ་ཞེན་སྣང་བ་སྒྱུ་མར་རྟོགས༔ རང་གྲོལ་དམིགས་སུ་མེད་ལ་ཅིར་སྣང་བརྗོད་པ་བྲལ༔ ཆོས་ཉིད་ཀློང་དུ་རང་ཤར་རང་གྲོལ་ཕ་མཐར་སོན༔ ༈ གནོད་སྦྱིན་སྐར་མདའ་གདོང་གིས་ནོར་བུས་བརྒྱན་པའི་ཤིང་གི་དྲུང་ནས་སེམས་རིག་མ་བུ་འདྲེས་པའི་དུས་ན༔ ཆོས་དབྱིངས་རང་གསལ་སེམས་ལ་ཡོངས་སུ་རྫོགས་པ་ལས༔ ཀུན་ཏུ་བཟང་པོས་མ་གཟིགས་ལྟ་བ་ཀློང་ཡངས་དེ༔ མེད་པར་བསྒྲུབ་མེད་ཡེ་ཤེས་འོད་གསལ་སྙིང་པོ་སྟེ༔ སྒྱུ་མའི་ལུས་ཀྱི་རྒྱ་ཞིག་གསལ་རྫོགས་ནམ་མཁའི་རྒྱལ་པོར་འདྲེས༔ ༈ སྲིན་པོ་བློ་གྲོས་ཐབས་ལྡན་གྱིས་རི་བོ་གནམ་ལྕགས་འབར་བའི་རྩེ་མོ་ནས་སྐྱ་རེངས་གཉིས་པ་ཤར་བ་ན༔ ཤར་གྲོལ་དུས་མཉམ་བྱུང་བའི་བློ་གྲོས་ཐབས་ལྡན་བདག༔ དམིགས་མེད་ནམ་མཁའི་ངང་དུ་ཡེ་ནས་གནས་པ་ལས༔ འོད་གསལ་དག་པའི་ཡེ་ཤེས་ཉི་མ་སེམས་ལས་ཤར༔ གསལ་སྟོང་ཟུང་འཇུག་ཉི་མ་དྭངས་གསལ་ནམ་མཁའ་ཉིད་དང་མཚུངས༔ ༈ ཀླུ་རྒྱལ་བྱང་ཆུབ་སེམས་དཔས་རིན་པོ་ཆེའི་ཁང་བཟང་དགུ་རིམ་ནས་སེམས་རིག་གཉིས་སུ་མེད་པར་འབྱེད་པའི་དུས་ན༔ རང་གིས་རང་བཅིངས་བཅིང་བ་དམ་པོའི་མ་རིག་པ༔ གང་གིས་དགྲོལ་དུ་མེད་དེ་རང་བྱུང་རང་གྲོལ་ལོ༔ ཡེ་ནས་རང་བྱུང་རིག་པར་ཤེས་པས་མ་བཅོས་བྱར་མེད་པ༔ གང་དུའང་མི་གནས་བསྒོམ་བྱའི་བློ་དང་བྲལ་བའོ༔ ༈ སྐལ་ལྡན་རྒྱལ་པོ་ཛཿས་མཁའ་འགྲོ་མའི་ཚོགས་ཁང་ཆེན་མོར་ཉི་མ་འཆར་ཀ་དང་དུས་མཚུངས་པར༔ བདག་ནི་སྐལ་ལྡན་རྒྱལ་པོ་ཛ༔ སྒྱུ་མ་བདེ་བའི་ལམ་བྱས་ཏེ༔ རྫོགས་པ་ཆེན་པོའི་དོན་བསྒོམས་པས༔ ཚོགས་དྲུག་ཡུལ་གྱི་སྣང་བ་ཀུན༔ སྤང་བླང་རྩིས་གདབ་མེད་པ་རུ༔ རང་ཤར་རང་གྲོལ་བདེ་བའི་ངང༔ བློ་འདས་བྱར་མེད་ཆེན་པོར་རྫོགས༔ ༈ རིག་འཛིན་དགའ་རབ་རྡོ་རྗེས་ཆོས་ཀྱི་དབྱིངས་ནས་རྡོ་རྗེ་སེམས་དཔའི་དྲུང་དུ་སེམས་ཉིད་འོད་གསལ་བའི་དུས་སུ༔ ང་ནི་མི་ཡི་རིག་འཛིན་དགའ་རབ་རྡོ་རྗེ་སྟེ༔ སེམས་ལ་བལྟ་བའི་ཡུལ་མེད་འཛིན་པ་རང་སར་དག༔ སྒོམ་པའི་བློ་དང་བྲལ་ནས་གསལ་དང་མི་གསལ་མེད༔ སྤྱོད་པ་ཅི་དགར་བཏང་བས་རེ་དོགས་རྩིས་གདབ་བྲལ༔ འབྲས་བུ་འོད་གསལ་སྙིང་པོའི་ཀློང་དུ་རང་བཞིན་གྲོལ༔ ༈ སློབ་དཔོན་འཇམ་དཔལ་བཤེས་གཉེན་གྱིས་དུར་ཁྲོད་ཧེ་ཆེན་བརྡལ་དུ་མཆོད་རྟེན་ལ་སྐུ་རྒྱབ་བརྟེན་ཏེ་སྒྲུབ་པའི་ཚེ་སྲོད་ཀྱི་དུས་སུ་དགོངས་པ་རང་བྱུང་གི་གླུ་བླངས་པ་ནི༔ དགའ་རབ་རྡོ་རྗེའི་ཐུགས་སྲས་འཇམ་དཔལ་བཤེས་གཉེན་བདག༔ གདམས་ངག་སྒོམ་མཁན་མི་སྣང་འོད་གསལ་ཀུན་ལ་ཁྱབ༔ དེ་ཉིད་དམིགས་སུ་མ་མཆིས་དམིགས་ཡུལ་རྡུལ་ཙམ་མེད༔ སྟོང་ཉིད་ཀ་ནས་དག་ཀྱང་སྐུ་དང་ཡེ་ཤེས་གསལ༔ ཞེས་གསུངས་སོ༔ གཞན་ཡང་རིག་འཛིན་བཅོ་བརྒྱད་ཀྱི་རྡོ་རྗེའི་གླུ་ཡང་དཔེ་རྒྱུད་ལྟར་རྟོགས་པར་བྱའོ༔ ས་མ་ཡ་རྒྱ་རྒྱ་རྒྱ༔ ྈྈྈྈ སྤྲུལ་པའི་གཏེར་ཆེན་མཆོག་གྱུར་བདེ་ཆེན་གླིང་པས་པདྨ་ཤེལ་ཕུག་ནས་སྤྱན་དྲངས་པའི་ཤོག་སེར་ལས་ཕབ་རིམ་བཞིན་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ །ཞུས་སོ།། །།
གུ་རུ་པདྨ་འབྱུང་གནས་ལ་ཕྱག་འཚལ་ལོ༔ ཨོ་རྒྱན་པདྨ་འབྱུང་གནས་ཀྱིས༔ ཕྱི་རབས་རྣལ་འབྱོར་དོན་ཆེད་དུ༔ དབང་པོ་ལག་པའི་བཅུད་ལེན་འདི༔ མཁའ་འགྲོ་གསང་བ་ཡེ་ཤེས་ལ་ཞུས༔ བསམ་ཡས་ཀྱི་བྱང་ཕྱོགས་སུ་མངའ་བདག་ཁྲི་སྲོང་ལྡེའུ་བཙན་ལ་གདམས་སོ༔ དེས་སྲས་མོ་དྲུག་བཙན་ལ་གདམས་པའོ༔ སྲས་མོས་སྤ་གྲོའི་བྲག་སྟོད་དུ༔ བྲག་སོག་པོ་ཁྲོས་པ་འདྲ་བའི་ཕ་ཝང་སྡིག་རུ་ཅན་གྱི་འོག་ཏུ་སྦས་སོ༔ གཏེར་སྲུང་སྤ་གྲོའི་ཇོ་བོ་བྲག་སྐྱེས་ལ་གཏད་དོ༔་་་་ཕྱིས་ལྷ་རྗེ་ཀུན་སྤང་ཟླ་འོད་ཀྱིས་སྟག་གི་ལོ་ལ་བཏོན་ཏོ། དེ་ཡང་དབུ་རྩེའི་བྱང་ཕྱོགས་བཀྲ་ཤིས་བྲག་དམར་གྱི་ལུང་པ་རི་བོ་མཐོན་མཐིང་གི་དྲུང་དུ༔ ཆུ་བོ་ལོ་ཧི་ཏའི་འགྲམ་སྒྲོལ་མས་ཞབས་ཀྱིས་བཅགས་པའི་སར༔ སློབ་དཔོན་པདྨས་མངའ་བདག་ལ་གདམས་པ༔ རྗེ་ལགས༔ དབང་ལག་གི་བཅུད་ལེན་ལ༔ སྦྱར་ཐབས་དང་ལས་ཚོགས་གཉིས་ལས༔ རྩ་བ་ལ་སྨན་སྣ་བདུན༔ དབང་ལག་སོས་ཀའམ་གཡུར་ལས་དུས་བཏུས་ལ༔ སད་ཀྱིས་མ་ཁྱེར་བ༔ མ་རུལ་བ༔ མ་ཟགས་སྐམ་སྲེད་ལེགས་པར་བྱས་ལ༔ རབ་ཚད་སྙིམ་པ་གསུམ༔ འབྲིང་ཚད་དོ༔ ཐ་མ་གང་ངོ༔ དོ་ལ་ཨ་རུ་ར་རྒྱ་གར་མ་བདུན༔ བ་རུ་ར་ལྔ༔ སྐྱུ་རུ་ར་སྙིམ་པ་གང༔ དེ་རྣམས་ཁྲམ་ཁྲུམ་བརྡུངས་ལ༔ ཆུ་བྲེ་གསུམ་ལ་བསྲིངས་ལ༔ དགུན་དུས་ཞག་ཉེར་གཅིག་མནན༔ དབྱར་ཞག་བདུན་ནོ༔ དེ་སྐོལ་ལ་མ་འདྲེད་པར་ཁཎྜ་བྱ༔ དེ་ལ་བ་དམར་མོའི་མར་དང་འབྲི་མར་སྲང་ལྔའམ་བཅུ༔ སྦྲང་སྲང་བཅུ་གཅིག་དང་སྦྱར་ལ༔ དེ་ཁཎྜ་དང་བསྲེས་ཏེ་ཟས་སུ་བྱའོ༔ སྦྱར་ཚད་སྨན་མར་དང་འདྲའོ༔ དེ་ལ་རྩྭ་ཨ་ཝ༔ ལྕགས་ཕྱེ༔ གོ་སྙོད༔ ལྕགས་སྦྲུལ༔ ཕོ་རོག་དང་འུག་པའི་མིག༔ གོ་བོའི་བྱ་ཐལ་རྣམས་སྦྱར་ནས་ཟོས་ན་མིག་ཤིན་ཏུ་གསལ་བར་འགྱུར་ལ༔ ས་འོག་སྟེང་གི་ལྷ་འདྲེ་ཐམས་ཅད་མཐོང་བར་འགྱུར་རོ༔༡༽ ཡང་དབང་ལག་དང༔ མ་ནུ་པ་ཏྲ༔ ཨུཏྤལ་སྔོན་པོ༔ དར་ཡ་ཀན༔ ཟར་མའི་མེ་ཏོག༔ རྒྱ་སྐྱེགས༔ གྲོ་གའི་ཐལ་བ༔ དུང་ཐལ་རྣམས་སྦྱར་ཏེ་ཟོས་ན༔ རྣ་བ་འོན་པར་མི་འགྱུར་ཏེ༔ རྣ་བས་ལྷ་འདྲེ་མི་གསུམ་གྱི་སྒྲ་ཐོས་པར་འགྱུར་རོ༔༢༽ ཡང་དབང་ལག༔ ད་བྱིད་ཀྱི་ཤ༔ མཆིལ་པའི་ཤ༔ ཅོང་ཞི༔ སྡིག་སྲིན༔ མཐིང་རིལ་གྱི་ཤ༔ ལུག་ཐུག་འབྲས་བུས་སྦྱར་ཏེ་ཟོས་ན༔ སྟོབས་གླང་པོ་ཆེ་དང་མཚུངས་སོ༔ དམང་པོ་རྣམས་རབས་མི་འཆད་ཤིན་ཏུ་རོ་བཙའ་བར་འགྱུར་རོ༔༣༽ ཡང་ར་མོ་ཤག༔ ཉེ་ཤིང༔ ཨ་ཤྭ་གནྡྷ༔ ལྕ་བ༔ འབྲས་བུ་གསུམ་གྱི་ཁུ་བ་གདུས་པ༔ དབང་ལག་སྦྲང་ངམ་བུ་རམ་དང་སྦྱར་ལ༔ ཁ་ཚར་བཟང་དྲུག༔ གི་ཝཾ༔ གླང་ཤ༔ ཤ་ཆེན༔ གོ་སྙོད༔ ཨ་བྱག༔ མཚལ༔ དུང་ཕྱེ༔ ལྕགས་ཕྱེ༔ བྲག་ཞུན༔ ཅོང་ཞི༔ ཨ་འབྲས༔ གུ་གུལ་རྣམས་ཞིབ་པར་བཏགས་ཏེ༔ ཚེས་གསུམ་ནས་ཉེར་གསུམ་བར་ཟོས་ན་ཚེ་བསྐལ་པར་ཐུབ་བོ༔༤༽ མགྱོགས་པ་རླུང་དང་འདྲ༔ སྟོབས་གླང་ཆེན་འདྲ༔ བཀྲག་མདངས་ཉི་ཟླ་འདྲ༔ རྒན་པོ་བཅུ་དྲུག་ལོན་པར་འགྱུར༔ སྐྲ་དཀར་ནག་པོར་གྱུར་པ་སྟེ༔ དཔྲལ་བར་གཉེར་མ་དང་བྲལ་བར་འགྱུར་རོ༔ ཡང་དབང་ལག་དང༔ རྩྭ་ཀུ་ཤ༔ ཉུང་དཀར༔ བྱ་ངང་པའི་སྙིང༔ གཡེར་མ༔ རུ་རྟ་སྦྱར་ནས་ཟོས་ན༔ ཐོས་པ་འཛིན་པར་འགྱུར་རོ༔༥༽ ཡང་དབང་ལག་དང༔ སིནྡྷུ་ར༔ ཨུཏྤལ༔ རྩ་ཁུ་བྱུག༔ རྡོ་རྗེ་ཟིལ་པ༔ པདྨའི་ཁྲག༔ སྦྲང་རྩིར་སྦྱར་ཏེ་དཔྲལ་བར་ཐིག་ལེ་བྱས་ན༔ གང་ལ་བལྟས་པ་དགའ་ཞིང་དབང་དུ་འགྱུར་རོ༔༦༽ ཡང་དབང་ལག་དང༔ ཨ་ཤྭ་གནྡྷ༔ སོ་མ་རཱ་ཛ༔ དྷཱ་དྷུ་ར་སྦྱར་ཏེ་གང་ལ་བྱིན་པ་དེ་དབང་དུ་འགྱུར་རོ༔༧༽ ཡང་དབང་ལག༔ དྲེས་མའི་རྩ་བ༔ ཨུག་ཆོས༔ ཨ་ཤྭ་གནྡྷའི་རྐང་འབྲས་བུ་རྩ་བ༔ ཁོ་ཤོགས་སྦྲང་དང་སྦྱར་ཏེ་བྱིན་ན༔ གང་ལ་དམིགས་པ་འགུགས་པར་འགྱུར་རོ༔ ཡང་དབང་ལག་དང༔ གུ་གུལ་ནག་པོ༔ བཙོད་དང༔ བཙན་དུག༔ ར་དུག༔ བོང་དུག༔ གླ་རྩི༔ སྒོག་སྐྱ༔ ཁྱི་ལུད༔ དྲི་ཆེན༔ རྟ་བོན་པ༔ སྤྲུ་ནག༔ ཡུགས་སའི་ཞབས་མ༔ སོལ་བའི་མེ་ལ་བསྲེགས་ཏེ་དུ་བས་བདུག་ན༔ བགེགས་ཐམས་ཅད་བྲོས༔༨༽ ཞོ་ཉེས་ཆང་ཉེས་ཐམས་ཅད་ཐུབ་བོ༔༩༽ ཡང་དབང་ལག་དང༔ གླ་རྩི༔ ཤིང་ཀུན༔ ཤུ་དག་ནག་པོ༔ སྨན་ཆེན༔ བསེ་རུ་ནག་པོ་རྣམས་ཞིབ་པར་བཏགས་ཏེ༔ མགུལ་དུ་བཏགས་ན༔ འགོས་པའི་ནད་རིམས་ཐམས་ཅད་ཐུབ་པར་འགྱུར་རོ༔༡༠༽ ཡང་དབང་ལག་དང༔ ལྡུམ་བུ་རེ་རལ༔ བོང་ང་དཀར་དམར༔ ལྕགས་ཕྱེ༔ ཟངས་ཕྱེ༔ སྤང་རྩི་དོ་བོ་རྣམས་ཞིབ་པར་བཏགས་ནས་ཟོས་ན༔ དུག་རིགས་ཐམས་ཅད་ཐུབ་བོ༔༡༡༽ ཡང་དབང་ལག་དང༔ རྒྱ་ཚྭ༔ སྡིག་སྲིན༔ བུ་རམ༔ སྦུར་བ༔ རྒྱ་མཚོ་གསེར་གྱི་བྱེ་མ་རྣམས་སྦྱར་ནས་བཏང་ན༔ ཆུ་འགགས་སེལ་ལོ༔༡༢༽ ཡང་དབང་ལག་དང༔ ཟེ་ཚ༔ གོ་བོའི་ཤ༔ ཁ་རུ་ཚྭ༔ པི་པི་ལིང༔ ལྒ༔ རྒྱམ་ཚྭ༔ བུ་རམ་དེ་རྣམས་སྦྱར་ལ་བཏང་ན༔ གྲང་སྐྲན་ཐམས་ཅད་སེལ་ལོ༔༡༣༽ ཡང་དབང་ལག་དང༔ སེ་འབྲུ༔ ཨ་རུ་ར༔ ཅོང་ཞི༔ ཤིང་ཚྭ༔ འུ་སུ༔ པི་པི་ལིང༔ ན་ལེ་ཤམ༔ བུ་རམ་རྣམས་སྦྱར་ཏེ་བཏང་ན༔ ཕོ་མཆིན་མ་ཞུ་བ་དང༔ ཕོ་སྟོད་ན་བ་སོས་སོ༔༡༤༽ ཡང་དབང་ལག་དང༔ ཨ་འབྲས༔ སྲ་འབྲས༔ འཇམ་འབྲས༔ སྡིག་སྲིན་རྣམས་བུ་རམ་ལ་སྦྱར་ནས་བཏང་ན༔ མཁལ་མ་གྲང་གཞི་ཐམས་ཅད་སེལ་ལོ༔༡༥༽ ཡང་དབང་ལག་དང༔ རུ་རྟ༔ མ་ནུ༔ ཅུ་གང༔ བ་རུ་ར༔ བ་ཤ་ཀ༔ གི་ཝཾ༔ ཀ་ར་སྦྱར་ནས་བཏང་ན༔ རོ་སྟོད་གཟེར་བ་སེལ་ལོ༔༡༦༽ ཡང་དབང་ལག་དང༔ ཁ་རུ་ཚྭ༔ བྱི་ཏང་ཀ༔ རྩི་བོ་ཆེ༔ ཕོ་རིལ༔ རྒྱམ་ཚྭ༔ བུ་རམ་རྣམས་སྦྱར་ནས་བཏང་ན་ཕོ་བ་གཟེར་བ་སེལ་ལོ༔༡༧༽ སློབ་དཔོན་པདྨས་མངའ་བདག་ལ་གདམས་ནས༔ མངའ་བདག་གིས་ཕྱག་བཞེས་མཛད་པའོ༔ ས་མ་ཡ༔ མངའ་བདག་གི་སྲས་ཀྱིས་སྤ་གྲོ་བྲག་སྟོད་དུ་སྦས་པ་ལས། ཕྱིས་ལྷ་རྗེ་ཀུན་སྤང་ཟླ་འོད་ཀྱིས་སྟག་ལོ་ལ་བཏོན་པའོ། །ལས་འཕྲོ་ཅན་དང་འཕྲད་པར་ཤོག། །།
 
 
</div></onlyinclude>
 
</div></onlyinclude>
 
= Tsagli =
 
= Tsagli =
Line 16: Line 12:
 
<references/>
 
<references/>
 
==Other Information==
 
==Other Information==
{{Footer
+
{{Footer}}
}}
 
 
{{RTZ Metadata
 
{{RTZ Metadata
 
|classification=Tibetan Publications
 
|classification=Tibetan Publications
 
|subclass=Tibetan Texts
 
|subclass=Tibetan Texts
|pagename=Terdzo-A-027
 
|fulltitletib=སློབ་དཔོན་རིན་པོ་ཆེས་མངའ་བདག་ལ་གདམས་པའི་བདུད་རྩི་དབང་ལག་གི་བཅུད་ལེན་
 
|fulltitle=slob dpon rin po ches mnga' bdag la gdams pa'i bdud rtsi dbang lag gi bcud len
 
|citation=[[kun spangs zla 'od]] slob dpon rin po ches mnga' bdag la gdams pa'i bdud rtsi dbang lag gi bcud len. In Rin chen gter mdzod chen mo pod gsum bcu pa (The Great Treasury of Rediscovered Teachings Volume 30) by 'jam mgon kong sprul, 665-670. New Delhi: Shechen Publications, 2007-2016.
 
 
|collectiontitle=Rin chen gter mdzod; Rin chen gter mdzod Shechen Edition
 
|collectiontitle=Rin chen gter mdzod; Rin chen gter mdzod Shechen Edition
 
|collectiontitletib=རིན་ཆེན་གཏེར་མཛོད་
 
|collectiontitletib=རིན་ཆེན་གཏེར་མཛོད་
|author=kun spangs zla 'od
+
|totalvolumes=70
|sourcerevealer=kun spangs zla 'od
+
|compilertib=འཇམ་མགོན་ཀོང་སྤྲུལ་
 
|compiler='jam mgon kong sprul
 
|compiler='jam mgon kong sprul
|authortib=ཀུན་སྤངས་ཟླ་འོད
+
|tibgenre=Revelations - gter ma
|sourcerevealertib=ཀུན་སྤངས་ཟླ་འོད
 
|compilertib=འཇམ་མགོན་ཀོང་སྤྲུལ་
 
|tiblittype=Buddhist
 
|tibgenre=Revelations - gter ma, Root Treasure - gter gzhung
 
 
|terma=Yes
 
|terma=Yes
|rtzcategory=Mahayoga
 
|cycle=dbang lag bcud len
 
|cycletib=དབང་ལག་བཅུད་ལེན་
 
 
|language=Tibetan
 
|language=Tibetan
|volumenumber=30
+
|pagestatus=Temporary stub only
|volnumtib=༣༠
+
|volumenumber=62
|volyigtib=
+
|textnuminvol=027
|totalvolumes=70
 
|textnuminvol=29
 
|pagenumbers=665-670
 
|totalpages=6
 
|beginfolioline=1a1
 
|endfolioline=3b5
 
|totalfolios=3
 
|multivolumework=Yes
 
|rectonotes=gter gzhung
 
|versonotes=gter mdzod dbang lag bcud len gdams pa
 
|colophontib=* '''Treasure colophon:''' སློབ་དཔོན་པདྨས་མངའ་བདག་ལ་གདམས་ནས༔ མངའ་བདག་གིས་ཕྱག་བཞེས་མཛད་པའོ༔ ས་མ་ཡ༔
 
* '''Revealer colophon:''' མངའ་བདག་གི་སྲས་ཀྱིས་སྤ་གྲོ་བྲག་སྟོད་དུ་སྦས་པ་ལས། ཕྱིས་ལྷ་རྗེ་ཀུན་སྤང་ཟླ་འོད་ཀྱིས་སྟག་ལོ་ལ་བཏོན་པའོ། །ལས་འཕྲོ་ཅན་དང་འཕྲད་པར་ཤོག། །།
 
|colophonwylie=* '''Treasure colophon:''' slob dpon pad+mas mnga' bdag la gdams nas:_mnga' bdag gis phyag bzhes mdzad pa'o:_sa ma ya:_
 
* '''Revealer colophon:''' mnga' bdag gi sras kyis spa gro brag stod du sbas pa las/_phyis lha rje kun spang zla 'od kyis stag lo la bton pa'o/_/las 'phro can dang 'phrad par shog
 
 
|pdflink=File:Terdzo-A-027.pdf
 
|pdflink=File:Terdzo-A-027.pdf
|pagestatus=Phase I Complete
 
|pagecreationdate=2/8/2016
 
 
}}
 
}}
 +
 +
[[Category:RTZ-Volume-62]]
 +
[[Category:Rin chen gter mdzod Shechen Edition]]

Revision as of 14:16, 14 October 2016

This page is under construction. Check back later for updated content.

སློབ་དཔོན་རིན་པོ་ཆེས་མངའ་བདག་ལ་གདམས་པའི་བདུད་རྩི་དབང་ལག་གི་བཅུད་ལེན་

slob dpon rin po ches mnga' bdag la gdams pa'i bdud rtsi dbang lag gi bcud len

by  ཀུན་སྤངས་ཟླ་འོད་ (Kunpang Dawö)
revealed by  ཀུན་སྤངས་ཟླ་འོད་ (Kunpang Dawö)
in cycle  དབང་ལག་བཅུད་ལེན་ (Dbang lag bcud len)
Volume 30 (ཨ) / Pages 665-670 / Folios 1a1 to 3b5

[edit]

དམ་ཆོས་རྫོགས་པ་ཆེན་པོ་སྡེ་གསུམ་ལས༔ ཕྱི་སྐོར་བླ་མ་རྣམས་ཀྱི་རྡོ་རྗེའི་གླུ་བཞུགས༔ ྈྈྈྈྈ ཕྱི་སྐོར་བླ་མའི་རྡོ་རྗེའི་གླུ་ཡི་སྡེ་ཚན་ལས༔ ལིཙྪ་བི་དྲི་མེད་གྲགས་པས་རིན་པོ་ཆེའི་ཁང་བཟང་ནས་སྐྱ་རེངས་དང་པོ་ཤར་བ་དང་དུས་མཚུངས་པར༔ ཨ་ཧོ༔ གསང་སྔགས་ནམ་མཁའི་རྣལ་འབྱོར་དྲི་མེད་གྲགས་པ་ང༔ ཡུལ་ལ་ཞུགས་པའི་སེམས་རྣམས་ཐམས་ཅད་དབྱིངས་ཉིད་དེ༔ ཅོག་གཞག་ལྷུག་པར་བཞག་པའི་རིག་པ་འདི་ཀ་རང༔ ཕྱི་ནང་གཉིས་མེད་ཟང་ཐལ་ཀུན་ཏུ་འོད་གསལ་བའོ༔ ༈ ལྷའི་དབང་པོས་རྣམ་པར་རྒྱལ་བའི་ཁང་བཟང་དུ་སེམས་བདེ་བ་ཆེན་པོ་དུས་ལས་འདས་པའི་དུས་སུ༔ ལྷ་དབང་བརྒྱ་བྱིན་བདེ་ཆེན་རང་གསལ་བདག་ཉིད་ནི༔ བདེ་བའི་ཡུལ་ལ་མ་ཞེན་སྣང་བ་སྒྱུ་མར་རྟོགས༔ རང་གྲོལ་དམིགས་སུ་མེད་ལ་ཅིར་སྣང་བརྗོད་པ་བྲལ༔ ཆོས་ཉིད་ཀློང་དུ་རང་ཤར་རང་གྲོལ་ཕ་མཐར་སོན༔ ༈ གནོད་སྦྱིན་སྐར་མདའ་གདོང་གིས་ནོར་བུས་བརྒྱན་པའི་ཤིང་གི་དྲུང་ནས་སེམས་རིག་མ་བུ་འདྲེས་པའི་དུས་ན༔ ཆོས་དབྱིངས་རང་གསལ་སེམས་ལ་ཡོངས་སུ་རྫོགས་པ་ལས༔ ཀུན་ཏུ་བཟང་པོས་མ་གཟིགས་ལྟ་བ་ཀློང་ཡངས་དེ༔ མེད་པར་བསྒྲུབ་མེད་ཡེ་ཤེས་འོད་གསལ་སྙིང་པོ་སྟེ༔ སྒྱུ་མའི་ལུས་ཀྱི་རྒྱ་ཞིག་གསལ་རྫོགས་ནམ་མཁའི་རྒྱལ་པོར་འདྲེས༔ ༈ སྲིན་པོ་བློ་གྲོས་ཐབས་ལྡན་གྱིས་རི་བོ་གནམ་ལྕགས་འབར་བའི་རྩེ་མོ་ནས་སྐྱ་རེངས་གཉིས་པ་ཤར་བ་ན༔ ཤར་གྲོལ་དུས་མཉམ་བྱུང་བའི་བློ་གྲོས་ཐབས་ལྡན་བདག༔ དམིགས་མེད་ནམ་མཁའི་ངང་དུ་ཡེ་ནས་གནས་པ་ལས༔ འོད་གསལ་དག་པའི་ཡེ་ཤེས་ཉི་མ་སེམས་ལས་ཤར༔ གསལ་སྟོང་ཟུང་འཇུག་ཉི་མ་དྭངས་གསལ་ནམ་མཁའ་ཉིད་དང་མཚུངས༔ ༈ ཀླུ་རྒྱལ་བྱང་ཆུབ་སེམས་དཔས་རིན་པོ་ཆེའི་ཁང་བཟང་དགུ་རིམ་ནས་སེམས་རིག་གཉིས་སུ་མེད་པར་འབྱེད་པའི་དུས་ན༔ རང་གིས་རང་བཅིངས་བཅིང་བ་དམ་པོའི་མ་རིག་པ༔ གང་གིས་དགྲོལ་དུ་མེད་དེ་རང་བྱུང་རང་གྲོལ་ལོ༔ ཡེ་ནས་རང་བྱུང་རིག་པར་ཤེས་པས་མ་བཅོས་བྱར་མེད་པ༔ གང་དུའང་མི་གནས་བསྒོམ་བྱའི་བློ་དང་བྲལ་བའོ༔ ༈ སྐལ་ལྡན་རྒྱལ་པོ་ཛཿས་མཁའ་འགྲོ་མའི་ཚོགས་ཁང་ཆེན་མོར་ཉི་མ་འཆར་ཀ་དང་དུས་མཚུངས་པར༔ བདག་ནི་སྐལ་ལྡན་རྒྱལ་པོ་ཛ༔ སྒྱུ་མ་བདེ་བའི་ལམ་བྱས་ཏེ༔ རྫོགས་པ་ཆེན་པོའི་དོན་བསྒོམས་པས༔ ཚོགས་དྲུག་ཡུལ་གྱི་སྣང་བ་ཀུན༔ སྤང་བླང་རྩིས་གདབ་མེད་པ་རུ༔ རང་ཤར་རང་གྲོལ་བདེ་བའི་ངང༔ བློ་འདས་བྱར་མེད་ཆེན་པོར་རྫོགས༔ ༈ རིག་འཛིན་དགའ་རབ་རྡོ་རྗེས་ཆོས་ཀྱི་དབྱིངས་ནས་རྡོ་རྗེ་སེམས་དཔའི་དྲུང་དུ་སེམས་ཉིད་འོད་གསལ་བའི་དུས་སུ༔ ང་ནི་མི་ཡི་རིག་འཛིན་དགའ་རབ་རྡོ་རྗེ་སྟེ༔ སེམས་ལ་བལྟ་བའི་ཡུལ་མེད་འཛིན་པ་རང་སར་དག༔ སྒོམ་པའི་བློ་དང་བྲལ་ནས་གསལ་དང་མི་གསལ་མེད༔ སྤྱོད་པ་ཅི་དགར་བཏང་བས་རེ་དོགས་རྩིས་གདབ་བྲལ༔ འབྲས་བུ་འོད་གསལ་སྙིང་པོའི་ཀློང་དུ་རང་བཞིན་གྲོལ༔ ༈ སློབ་དཔོན་འཇམ་དཔལ་བཤེས་གཉེན་གྱིས་དུར་ཁྲོད་ཧེ་ཆེན་བརྡལ་དུ་མཆོད་རྟེན་ལ་སྐུ་རྒྱབ་བརྟེན་ཏེ་སྒྲུབ་པའི་ཚེ་སྲོད་ཀྱི་དུས་སུ་དགོངས་པ་རང་བྱུང་གི་གླུ་བླངས་པ་ནི༔ དགའ་རབ་རྡོ་རྗེའི་ཐུགས་སྲས་འཇམ་དཔལ་བཤེས་གཉེན་བདག༔ གདམས་ངག་སྒོམ་མཁན་མི་སྣང་འོད་གསལ་ཀུན་ལ་ཁྱབ༔ དེ་ཉིད་དམིགས་སུ་མ་མཆིས་དམིགས་ཡུལ་རྡུལ་ཙམ་མེད༔ སྟོང་ཉིད་ཀ་ནས་དག་ཀྱང་སྐུ་དང་ཡེ་ཤེས་གསལ༔ ཞེས་གསུངས་སོ༔ གཞན་ཡང་རིག་འཛིན་བཅོ་བརྒྱད་ཀྱི་རྡོ་རྗེའི་གླུ་ཡང་དཔེ་རྒྱུད་ལྟར་རྟོགས་པར་བྱའོ༔ ས་མ་ཡ་རྒྱ་རྒྱ་རྒྱ༔ ྈྈྈྈ སྤྲུལ་པའི་གཏེར་ཆེན་མཆོག་གྱུར་བདེ་ཆེན་གླིང་པས་པདྨ་ཤེལ་ཕུག་ནས་སྤྱན་དྲངས་པའི་ཤོག་སེར་ལས་ཕབ་རིམ་བཞིན་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་པ་དགེ །ཞུས་སོ།། །།

Footnotes[edit]

Other Information[edit]

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).