Terdzo-ZI-039

From Rinchen Terdzod
Jump to: navigation, search








Terdzo-ZI-039.pdf
Click the picture above to view the Shechen manuscript.

དཔལ་བདེ་མཆོག་འཁོར་ལོའི་གསོལ་འདེབས་

dpal bde mchog 'khor lo'i gsol 'debs

by  ཞིག་པོ་གླིང་པ་ (Shikpo Lingpa)
revealed by  ཞིག་པོ་གླིང་པ་ (Shikpo Lingpa)
in  བདེ་མཆོག་འཁོར་ལོ་ (Bde mchog 'khor lo)
Volume 52 (ཟི) / Pages 623-624 / Folios 1a1 to 1b1

Tibetan Text

དཔལ་བདེ་མཆོག་འཁོར་ལོའི་གསོལ་འདེབས་བཞུགས་སོ། །ཆོས་རྒྱལ་ཐུགས་དམ། ཧེ་རུ་ཀ་དཔལ་རྡོ་རྗེ་ཕག་མོ་དང་། །སུ་ཁ་སིདྡྷི་རིག་འཛིན་ཐོད་ཕྲེང་རྩལ། །མངའ་བདག་ཡབ་སྲས་མ་གཅིག་མཚོ་རྒྱལ་མ། །གར་གྱི་དབང་ཕྱུག་རྩལ་ལ་གསོལ་བ་འདེབས། །ཀུན་ཏུ་བཟང་པོ་རིགས་ལྔ་སེམས་དཔའི་ཚོགས། །དགའ་རབ་ཤྲཱི་སིཾ་རིག་འཛིན་པདྨ་འབྱུང་། །མངའ་བདག་ཡབ་སྲས་མ་གཅིག་མཚོ་རྒྱལ་མ། །གར་གྱི་དབང་ཕྱུག་ཞབས་ལ་གསོལ་བ་འདེབས། །བྱིན་རླབས་ཀུན་འབྱུང་རྩ་བརྒྱུད་བླ་མ་དང་། །དངོས་གྲུབ་རྣམ་གཉིས་སྩོལ་བའི་ཡི་དམ་ལྷ། །བར་ཆད་སེལ་བའི་མཁའ་འགྲོ་བཀའ་སྲུང་དང་། །གཏེར་སྲུང་དམ་ཅན་རྣམས་ལ་གསོལ་བ་འདེབས། །བདག་གིས་ཁྱེད་ལ་གསོལ་བ་བཏབ་པའི་མཐུས། །སྣང་སྲིད་དབང་སྡུད་སྲིད་གསུམ་ཟིལ་གྱིས་མནན། །བསྐྱེད་རིམ་གདིང་ཐོབ་བཟླས་བརྗོད་སྔགས་འགྲུབ་སྟེ། །ཐུགས་མཆོག་རིག་པའི་ཡེ་ཤེས་མངོན་གྱུར་ཤོག །ཉིན་མཚན་མཐའ་བྲལ་གདོད་མའི་མགོན་པོ་མཆོག །ལུས་གནད་རླུང་གནད་གནད་དུ་མཐུན་པ་དང་། །ལྡེམ་དང་དྭངས་ལྡེམ་ཨར་ལ་གཏད་པ་ཡིས། །རྟགས་བཅུ་རྫོགས་ནས་སྣང་བཞི་མཐར་ཕྱིན་ཤོག །དེ་ཡང་ཆོས་སྐུ་ཀ་དག་བདེ་བ་ཆེ། །ལོངས་སྐུ་ལུག་རྒྱུད་རང་རྩལ་མ་ངེས་པ། །སྤྲུལ་སྐུ་ཟེར་བཞིན་འགྲོ་དོན་དཔག་མེད་ཀྱིས། །འགྲོ་ཀུན་ཚེ་གཅིག་འོད་ལུས་འགྲུབ་པར་ཤོག །ཅེས་པ་བདེ་མཆོག་འཁོར་ལོའི་བརྒྱུད་པའི་གསོལ་འདེབས་ཤིག་དགོས་ཞེས། ཉང་སྟོད་ཚུལ་ཁྲིམས་རྒྱལ་མཚན་གྱིས་བསྐུལ་བ་ལ་རྫོགས་ཆེན་པ་གར་གྱི་དབང་ཕྱུག་རྩལ་གྱིས་བཀོད་པའོ། །དགེའོ།། །།


Footnotes

Other Information

Template:TranslatorInfoFooter

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).