Terdzo-ZHI-011



Property "author" has been marked for restricted use.








Terdzo-ZHI-011.pdf
Click the picture above to view the Shechen manuscript.

གནམ་ཆོས་ལས་འཕགས་པ་རེ་མནྟའི་གསོལ་ཁ་

gnam chos las 'phags pa re man+ta'i gsol kha

by  སྤྲུལ་སྐུ་མི་འགྱུར་རྡོ་རྗེ་ (Mingyur Dorje)
revealed by  སྤྲུལ་སྐུ་མི་འགྱུར་རྡོ་རྗེ་ (Mingyur Dorje)
in cycle  གནམ་ཆོས་ཐུགས་ཀྱི་གཏེར་ཁ་སྙན་བརྒྱུད་ཟབ་མོའི་སྐོར་ (Gnam chos thugs kyi gter kha snyan brgyud zab mo'i skor)
Volume 51 (ཞི) / Pages 155-156 / Folios 1a1 to 1b1

Tibetan Text

གནམ་ཆོས་ལས་འཕགས་པ་རེ་མནྟའི་གསོལ་ཁ་བཞུགས༔ ྈྈྈ ྈ གུ་རུ་དྷེ་ཝ་དྷཱ་ཀི་ནཱི་ཧཱུྃ༔ རེ་མནྟའི་གསོལ་ཁ་ནི༔ ཨ་ཀཱ་རོ་ཡིས་བྱིན་གྱིས་བརླབ༔ ཧཱུྃ༔ རྟ་ལྷ་ཨཱརྱ་རེ་མནྟ༔ བསྒྲུབ་ཕྱིར་མཆོད་ཕྱིར་སྤྱན་འདྲེན་ནོ༔ བདག་གི་སྲུང་མགོན་བྱེད་པ་དང༔ རྔོག་ཆགས་མ་ལུས་འཕེལ་བྱའི་ཕྱིར༔ གནས་འདིར་བརྟན་པར་བཞུགས་སུ་གསོལ༔ ཨོཾ་ཨཱརྱ་རེ་མནྟ་བཛྲ་ས་མ་ཡ་ཛཿཛ༔ ས་མ་ཡ་ཏིཥྛ་ལྷན༔ ཧཱུྃ༔ རྟ་ལྷ་ཨཱརྱ་རེ་མནྟ༔ སྐུ་མདོག་དམར་པོ་བྱེ་རུའི་མདོག༔ སྐུ་ལ་བསེ་ཡི་ཁྲབ་རྨོག་གསོལ༔ གཡས་པས་རལ་གྲི་གཡོན་འཁོར་ལོ༔ ཆིབས་སུ་རྟ་སྔོན་ཆུ་རིས་འཆིབ༔ ཁྱོད་ལ་མཆོད་པ་འབུལ་བ་ནི༔ མེ་ཏོག་བདུག་སྤོས་མར་མེ་དྲི༔ ཞལ་ཟས་གཟུགས་སྒྲ་དྲི་རོ་རེག༔ དམ་རྫས་སྨན་གཏོར་མཆོད་པ་འབུལ༔ རྟ་སྔོན་བསེ་ཁྲབ་བསེ་རྨོག་དང༔ འཁོར་ལོ་རལ་གྲི་ནོར་བུ་དང༔ ཞགས་པ་ལ་སོགས་མཐུན་པའི་རྫས༔ དངོས་འབྱོར་ཡིད་སྤྲུལ་མཆོད་པ་འབུལ༔ གསོལ་ལོ་མཆོད་དོ་དགྱེས་གྱུར་ཅིག༔ ཁྱོད་ལ་ཕྲིན་ལས་བཅོལ་བ་ནི༔ བདག་ཅག་དཔོན་སློབ་འཁོར་བཅས་ཀྱི༔ རྔོག་ཆགས་ཀུན་གྱི་མགོན་སྐྱབས་དང༔ རྐང་བཞི་འཕེལ་བའི་ཕྲིན་ལས་མཛོད༔ ལོག་འདྲེན་དགྲ་བགེགས་རྡུལ་དུ་རློགས༔ རྔོག་ཆགས་མ་ལུས་སྲུང་དུ་གསོལ༔ བཅོལ་པའི་ཕྲིན་ལས་འགྲུབ་པར་མཛོད༔ ས་མ་ཡ༔ རྒྱ་རྒྱ་རྒྱ༔ ཁ་ཐམ་གུ་ཧྱ༔ ྈྈྈ ཧྱ༔ ཅེས་པ་སྤྲུལ་སྐུ་མི་འགྱུར་རྡོ་རྗེ་དགུང་ལོ་བཅུ་གསུམ་བྱ་ལོ་སྣྲོན་ཟླ་བའི་ཚེས་ལྔ་ལ་རེ་མནྟ་ཉིད་ཀྱིས་དངོས་སུ་ཕུལ་བའོ།། །།


Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).