Terdzo-AA-020

Terdzo-AA-020.pdf
Click the picture above to view the Shechen manuscript.

སྡེ་གསུམ་སྨོན་ལམ་གྲུབ་གཉིས་རིན་ཆེན་གྲུ་ཆར་

sde gsum smon lam grub gnyis rin chen gru char

by  རིན་ཆེན་དར་རྒྱས་ (Rinchen Dargye)
revealed by  མཆོག་གྱུར་གླིང་པ་ (Chogyur Lingpa)
in cycle  དམ་ཆོས་རྫོགས་པ་ཆེན་པོ་སྡེ་གསུམ་ (Dam chos rdzogs pa chen po sde gsum)
Volume 62 (ཨཱཿ) / Pages 89-90 / Folios 1a1 to 1b2

Tibetan Text

སྡེ་གསུམ་སྨོན་ལམ་གྲུབ་གཉིས་རིན་ཆེན་གྲུ་ཆར་བཞུགས་སོ། །ན་མོ་གུ་རུ་མ་ཧཱ་ནི་དྷི་པ་དཱ་ཡ། མཛོད་གསུམ་ཆུ་བོ་བཞི་རྫོགས་བླ་མ་ལས། །ཐོག་མར་སྨིན་བྱེད་དབང་གིས་ས་བོན་ཐེབས། །དམ་ཚིག་སྡོམ་པ་ཉམས་མེད་རྒྱུད་ལ་བརྟན། །བྱིན་རླབས་དབང་གི་ནུས་པ་གོང་འཕེལ་ཤོག །གྲོལ་བྱེད་ཁྲིད་ཀྱིས་གཞི་ལམ་འབྲས་བུའི་དོན། ཁོང་དུ་ཆུད་ཅིང་དྲན་ཤེས་བག་ཡོད་ལྡན། །དྭངས་འདོད་ཡིད་ཆེས་མི་ལྡོག་དད་པས་བཟུང་། །ལུས་སེམས་ལས་རུང་ཤིན་སྦྱངས་མཐར་ཕྱིན་ཤོག །བསྐྱེད་པའི་རིམ་པ་རྣམ་པ་གསལ་བ་དང་། །རྣམ་དག་དྲན་ཅིང་གསལ་སྣང་ང་རྒྱལ་བརྟན། །ཆོ་ག་རང་འབྲས་ངོ་བོ་བྱེད་ལས་ཀྱི། ཁྱད་པར་བཞི་ལྡན་བསྐྱེད་རིམ་མཐར་ཕྱིན་ཤོག །རྫོགས་རིམ་མཚན་བཅས་མཚན་མེད་ཏིང་ངེ་འཛིན། །སྡེ་གསུམ་ཀུན་བཟང་ཡབ་ཡུམ་སྲས་གསུམ་གྱི། །ཉམས་ལེན་གཡོ་ཐོབ་གོམས་བརྟན་མཐར་ཕྱིན་ནས། །སྣང་བཞི་མཐར་ཕྱིན་འབྲས་བུ་མངོན་གྱུར་ཤོག །སྐུ་གསུམ་ཞིང་གི་བཀོད་པ་ཡོངས་སུ་རྫོགས། །ཆོ་འཕྲུལ་གསུམ་གྱི་ཆོས་འཁོར་རབ་བསྐོར་ནས། ཁམས་གསུམ་འཁོར་བའི་སེམས་ཅན་འདྲེན་པ་ལ། །དུས་གསུམ་སངས་རྒྱས་ཕྲིན་ལས་ལྷུན་གྲུབ་ཤོག །མདོར་ན་སྐྱེ་དང་ཚེ་རབས་ཐམས་ཅད་དུ། །ཡོངས་འཛིན་དགེ་བའི་བཤེས་ཀྱིས་རྗེས་སུ་གཟུང་། །ས་བཅུ་ལམ་ལྔའི་ཡོན་ཏན་མཐར་ཕྱིན་པ། ཁྱབ་བདག་འབྲས་བུའི་ཧེ་རུ་ཀཿཐོབ་ཤོག །རྒྱལ་བ་ཡབ་སྲས་སྐུ་ཚེ་ཞབས་པད་བརྟན། །རྒྱལ་སྲས་འཕགས་ཚོགས་དགེ་འདུན་འདུས་པ་འཕེལ། །རྒྱལ་ཁམས་ཀུན་ཏུ་ནད་མུག་འཁྲུག་རྩོད་ཞི། །རྒྱལ་བསྟན་དར་ཞིང་རྒྱས་པའི་བཀྲ་ཤིས་ཤོག །ཅེས་པ་འདི་ལྟར་དགོས་ཞེས་རང་སློབ་ཉེ་གནས་རི་རྒྱས་རྒྱ་མཚོས་བསྐུལ་ངོར། གཏེར་སློབ་མཁན་པོ་ཀརྨ་རཏྣས་མཛེས་བྱེད་ཆུ་ཡོས་ཀྱི་ལོ་གྲོ་ཞུན་ཟླ་བའི་དགའ་བ་གསུམ་པའི་རྒྱལ་ཕུར་འགྲུབ་སྦྱོར་ལ་བྲིས་པ་དགེ་ལེགས་འཕེལ། ཤུ་བྷཾ། མངྒ་ལཾ། བི་ཛ་ཡནྟུ།། །།


Footnotes

Other Information

Disclaimer: This text comes from the Shechen Edition of the Rinchen Terdzö. Thanks go to Phil Battos for automation of uploading all the unicode Tibetan texts. The text was converted from TibetDoc and may have some small mistakes introduced as a result. If you notice any mistakes or inconsistencies in the text or anywhere on this website, please don't hesitate to contact the Tsadra Research Department (research at tsadra).



Property "author" has been marked for restricted use.