Pad+ma las 'brel rtsal


པདྨ་ལས་འབྲེལ་རྩལ་
pad+ma las 'brel rtsal

Pema Ledrel Tsal

Other names
  • རིན་ཆེན་ཚུལ་རྡོར་
  • rin chen tshul rdor
Dates
Birth:   1291
Death:   1315
Place of birth:   gnyan rong 'bri thang
Tibetan date of birth
Gender:   Female
Element:   Iron
Animal:   Rabbit
Rab Jyung:   5
About

Religious Affiliations
Nyingma

Is emanation of
Lhacham Pema Sal
Has following emanations
Longchen Rabjam
Students
rgyal sras legs pa · Karmapa, 3rd
Links
BDRC Link
https://www.tbrc.org/#!rid=P7628
Treasury of Lives Link
http://treasuryoflives.org/biographies/view/Pema-Ledrel-Tsel/10301
Wiki Pages
Tertön Gyatsa Information from the Rinchen Terdzö
[edit]

The full Tertön Gyatsa text can be found at the following page: Volume 1 (ཀ), 341-765, 1a1-213a4.

Name in Gyatsa: རིན་ཆེན་ཚུལ་རྡོར་པདྨ་ལས་འབྲེལ་རྩལ་ (rin chen tshul rdor pad+ma las 'brel rtsal)

Page #s for bio of this person: 453 to 455

Folio #s for bio of this person: 57a2 to 58a6

ས་ནང་འཇིགས་བརྒྱད་ཤ་བའི་རྭ་ཅོ་འབྱུང༔ བསོད་ནམས་ཟད་པ་དབུས་སུ་མི་རྒོད་སྡིགས༔ དྭགས་པོ་ལྷང་ལྟ་བྲག་གི་གཏེར་ཁ་འདི༔ མི་བཞག་འདོན་པའི་རྟགས་དེ་བསྟན་ནས་འབྱུང༔ མངའ་བདག་སྲས་མོ་རིན་ཆེན་ཚུལ་རྡོར་འབྱུང༔ ཞེས་པའི་གཏེར་སྟོན་རིན་ཆེན་ཚུལ་རྡོར་རམ་གསང་མཚན་པདྨ་ལས་འབྲེལ་རྩལ་ནི། རྒྱལ་པོའི་སྲས་མོ་ལྷ་ལྕམ་པདྨ་གསལ་ཉིད་དག་པའི་སྐྱེ་བ་ལྔ་བརྒྱུད་པའི་ཐ་མ་སྟེ་རྡོ་བོད་མཚམས་གཉན་རོང་འབྲི་ཐང་ཞེས་བྱ་བའི་ཡུལ་དུ་ཉང་གི་གདུང་རིགས་ལས་ལྕགས་མོ་ཡོས་ཀྱི་ལོར་སྐུ་བལྟམས། ནར་སོན་ནས་ལོ་རོར་རབ་བྱུང་མཛད་པའི་མཚན་ཚུལ་ཁྲིམས་རྡོ་རྗེར་གྲགས། དགུངས་ལོ་བཅུ་དྲུག་བཞེས་པའི་དུས་གུ་རུའི་རྣམ་འཕྲུལ་དགེ་སློང་རྒན་པོ་ཞིག་གིས་ཁ་བྱང་ཤོག་དྲིལ་ཕྱག་ཏུ་གཏད་པ་དང་། ཉེར་གཅིག་པར་གཏེར་སྟོན་རིན་ཆེན་གླིང་པས་འབྲི་ཐང་ཀོ་རོ་བྲག་ནས་གདན་དྲངས་པའི་ཤོག་སེར་གྱི་ཁྲོད་ནས་འདིའི་ཁ་བྱང་དང་ལུང་བསྟན་བྱུང་བའང་ཕྱག་ཏུ་ཕུལ་བ་ལྟར་དགུང་ལོ་ཉེར་གསུམ་པ་ལ་དྭགས་པོ་ལྡང་ལུང་ཁྲ་མོ་བྲག་ནས་རྫོགས་པ་ཆེན་པོ་མཁའ་འགྲོ་སྙིང་ཐིག་གི་ཆོས་སྐོར་ཟབ་མོ་ཁྱད་པར་འཕགས་པ་དང་། གཞན་ཡང་བླ་མ་སྤྱི་འདུས་འཁོར་ལོ། ཕྱག་རྡོར་དྲེགས་པ་ཀུན་འདུལ། རྟ་མགྲིན་གཉེན་པོ་ལྷ་གསུམ། གཤིན་རྗེ་ཀིང་ཀང་དགྲ་ཁ་ལ་རྒྱས་འདེབས། གཟའ་དང་ཞིང་སྐྱོང་གཙོས་ཆོས་དང་དྲག་སྔགས་བསྟན་སྲུང་གི་སྐོར་མང་པོའང་གདན་དྲངས། ཚུར་བྱོན་པའི་ལམ་ཁར་གཉལ་སྟོད་ཤོའི་ཚེར་མ་ལུང་དུ་སྔགས་པ་ཞིག་གིས་ཞབས་ཏོག་ཕུལ། དེའི་བུ་རྗེས་སུ་འབྲངས་ནས་བྱུང་བ་རྒྱལ་སྲས་ལེགས་པ་རྒྱལ་མཚན་ཡིན། དེ་ནས་རང་ཡུལ་དུ་དད་མོས་ཆུང་བས་ཐུགས་སྐྱོ་ནས་དཔོན་སློབ་ལྔ་དབུས་སུ་བྱོན། བསམ་ཡས་མཆིམས་ཕུར་བཞུགས་སྐབས་རྡོ་རྗེ་ཕག་མོས་ལུང་བསྟན་པ་ལྟར་ལྷ་སར་ཕེབ་པས་རྒྱལ་དབང་ཀརྨ་པ་རང་བྱུང་རྡོ་རྗེ་མཇལ། ཆོས་རྗེ་ཉིད་ལའང་མཁའ་འགྲོས་ལུང་བསྟན་བྱུང་བ་ལྟར། སྙིང་ཐིག་གི་དབང་ལུང་ཤོག་སེར་ཐོག་ནས་གསན། རིམ་པར་གཏེར་ཆོས་རྣམས་གཏན་ལ་ཕབ་སྟེ་རྒྱལ་སྲས་ལེགས་པ་དང་། སྤྲུལ་སྐུ་རིན་ཆེན་གླིང་པ་གཉིས་ལ་དབང་ལུང་རྫོགས་པར་གནང་། དགུང་ལོ་ཉེར་ལྔ་པར་བྱར་སྨད་ཕྱིང་དཀར་ཞེས་པའི་ས་ཡི་ཆ་དང་ཉེ་བའི་གཉལ་རྒྱ་འགྲོ་ལ་རྩེར་གཞན་རྐྱེན་གྱིས་སྐུ་གཤེགས། པུར་སྦྱངས་པའི་ཚེ་བུད་མེད་སྔོན་མོ་རུས་རྒྱན་ཅན་དབུ་གཙུག་ནས་ཐོན་ཏེ་ནམ་མཁར་འགྲོ་བ་ཀུན་གྱིས་མཐོང་། གདུང་རུས་ལ་ཕག་མོའི་སྐུ་དང་རིང་བསྲེལ་དཔག་མེད་བྱོན་ཅིང་ཞག་བདུན་གྱི་བར་ལུང་པ་འཇའ་འོད་ཀྱིས་གང་བ་སོགས་ཀྱིས་འགྲོ་བ་རྣམས་དད་པའི་ས་ལ་བཀོད། སྐུ་ཚེ་འདིར་འགྲོ་དོན་མི་འབྱུང་ཞིང་སྦས་ཚུལ་གྱིས་ཉམས་སུ་ལེན་པའི་དུས་ཡིན་པ་སོགས་ལུང་ནས་བསྟན་པ་ལྟར་འགྲོ་དོན་འཕྲོ་ཅན་ཏུ་གྱུར་པས་ཉིད་ཀྱི་སྐྱེ་བ་ཕྱི་མ་དེ་མ་ཐག་པ་ཀུན་མཁྱེན་དྲི་མེད་འོད་ཟེར་གྱིས་རྒྱ་ཆེར་སྤེལ་བར་མཛད། ཀུན་མཁྱེན་རང་བྱུང་ཞབས་ཀྱིས་རྒྱལ་སྲས་ལེགས་པ་ལས་སྙིང་ཐིག་གི་ཚིག་བརྒྱུད་བསྐྱར་ནས་གསན་ཅིང་འཆད་སྤེལ་རྒྱ་ཆེར་གནང་བའི་སློབ་མའི་གཙོ་བོ་གཡུང་སྟོན་རྡོ་རྗེ་དཔལ་བ་སོགས་བཞི་ལ་གཉེར་གཏད་དེ་དབུས་གཙང་མདོ་ཁམས་རྒྱ་ཧོར་ཡན་ཆད་དུ་དར་བར་མཛད་པའི་རྒྱུན་དེང་སང་ཡང་བཞུགས་ལ། སྒྲ་ཐལ་འགྱུར་རྩ་བའི་རྒྱུད་ལས། ས་ལ་གནས་པའི་བྱང་སེམས་ཀྱིས། །རྒྱ་མཚོའི་བར་དུ་སྤེལ་བར་བྱེད། །ཅེས་པའི་ལུང་དོན་མངོན་དུ་གྱུར། གཏེར་སྟོན་ཆེན་པོ་འདི་ཉིད་ཀྱི་ཟབ་གཏེར་སྙིང་པོ་སྙིང་ཐིག་རྣམ་གཉིས་ཀྱི་ཡ་གྱལ་རྫོགས་ཆེན་མཁའ་འགྲོ་སྙིང་ཐིག་གི་སྨིན་གྲོལ་ཡོངས་སུ་གྲགས་པ་རྒྱལ་བའི་དབང་པོ་རང་བྱུང་རྡོ་རྗེ་དང་ཀུན་མཁྱེན་ཀློང་ཆེན་པ་ལས་ཚིག་དོན་སོ་སོར་བརྒྱུད་པ་ཐ་དད་པ་་་་་དང། གཉེན་པོ་ལྷ་གསུམ། ཕྱག་རྡོར་དྲེགས་འདུལ་གྱི་དབང་ལུང་སོགས་ཁོ་བོས་ཀྱང་ལེགས་པར་ནོས་སོ།

sa nang 'jigs brgyad sha ba'i rwa co 'byung:_bsod nams zad pa dbus su mi rgod sdigs:_dwags po lhang lta brag gi gter kha 'di:_mi bzhag 'don pa'i rtags de bstan nas 'byung:_mnga' bdag sras mo rin chen tshul rdor 'byung:_zhes pa'i gter ston rin chen tshul rdor ram gsang mtshan pad+ma las 'brel rtsal ni/_rgyal po'i sras mo lha lcam pad+ma gsal nyid dag pa'i skye ba lnga brgyud pa'i tha ma ste rdo bod mtshams gnyan rong 'bri thang zhes bya ba'i yul du nyang gi gdung rigs las lcags mo yos kyi lor sku bltams/_nar son nas lo ror rab byung mdzad pa'i mtshan tshul khrims rdo rjer grags/_dgungs lo bcu drug bzhes pa'i dus gu ru'i rnam 'phrul dge slong rgan po zhig gis kha byang shog dril phyag tu gtad pa dang /_nyer gcig par gter ston rin chen gling pas 'bri thang ko ro brag nas gdan drangs pa'i shog ser gyi khrod nas 'di'i kha byang dang lung bstan byung ba'ang phyag tu phul ba ltar dgung lo nyer gsum pa la dwags po ldang lung khra mo brag nas rdzogs pa chen po mkha' 'gro snying thig gi chos skor zab mo khyad par 'phags pa dang /_gzhan yang bla ma spyi 'dus 'khor lo/_phyag rdor dregs pa kun 'dul/_rta mgrin gnyen po lha gsum/_gshin rje king kang dgra kha la rgyas 'debs/_gza' dang zhing skyong gtsos chos dang drag sngags bstan srung gi skor mang po'ang gdan drangs/_tshur byon pa'i lam khar gnyal stod sho'i tsher ma lung du sngags pa zhig gis zhabs tog phul/_de'i bu rjes su 'brangs nas byung ba rgyal sras legs pa rgyal mtshan yin/_de nas rang yul du dad mos chung bas thugs skyo nas dpon slob lnga dbus su byon/_bsam yas mchims phur bzhugs skabs rdo rje phag mos lung bstan pa ltar lha sar pheb pas rgyal dbang karma pa rang byung rdo rje mjal/_chos rje nyid la'ang mkha' 'gros lung bstan byung ba ltar/_snying thig gi dbang lung shog ser thog nas gsan/_rim par gter chos rnams gtan la phab ste rgyal sras legs pa dang /_sprul sku rin chen gling pa gnyis la dbang lung rdzogs par gnang /_dgung lo nyer lnga par byar smad phying dkar zhes pa'i sa yi cha dang nye ba'i gnyal rgya 'gro la rtser gzhan rkyen gyis sku gshegs/_pur sbyangs pa'i tshe bud med sngon mo rus rgyan can dbu gtsug nas thon te nam mkhar 'gro ba kun gyis mthong /_gdung rus la phag mo'i sku dang ring bsrel dpag med byon cing zhag bdun gyi bar lung pa 'ja' 'od kyis gang ba sogs kyis 'gro ba rnams dad pa'i sa la bkod/_sku tshe 'dir 'gro don mi 'byung zhing sbas tshul gyis nyams su len pa'i dus yin pa sogs lung nas bstan pa ltar 'gro don 'phro can tu gyur pas nyid kyi skye ba phyi ma de ma thag pa kun mkhyen dri med 'od zer gyis rgya cher spel bar mdzad/_kun mkhyen rang byung zhabs kyis rgyal sras legs pa las snying thig gi tshig brgyud bskyar nas gsan cing 'chad spel rgya cher gnang ba'i slob ma'i gtso bo g.yung ston rdo rje dpal ba sogs bzhi la gnyer gtad de dbus gtsang mdo khams rgya hor yan chad du dar bar mdzad pa'i rgyun deng sang yang bzhugs la/_sgra thal 'gyur rtsa ba'i rgyud las/_sa la gnas pa'i byang sems kyis/_/rgya mtsho'i bar du spel bar byed/_/ces pa'i lung don mngon du gyur/_gter ston chen po 'di nyid kyi zab gter snying po snying thig rnam gnyis kyi ya gyal rdzogs chen mkha' 'gro snying thig gi smin grol yongs su grags pa rgyal ba'i dbang po rang byung rdo rje dang kun mkhyen klong chen pa las tshig don so sor brgyud pa tha dad pa dang/_gnyen po lha gsum/_phyag rdor dregs 'dul gyi dbang lung sogs kho bos kyang legs par nos so/


List of Cycles Associated with this Person

  1. Gsang bdag dregs pa kun 'dul (8 of 8 Texts)
  2. KaM tsang snyan brgyud (1 of 1 Texts)
  3. Las 'brel gter byon rta mgrin gnyen po lha gsum (1 of 1 Texts)
  4. Mkha' 'gro yang tig (2 of 3 Texts)
  5. Rdzogs pa chen po mkha' 'gro snying thig (9 of 9 Texts)
  6. Rta mgrin gsang ba 'dus pa (1 of 25 Texts)
  7. Sgrub thabs 'dod 'jo'i bum bzang (5 of 70 Texts)

List of Works in the Rinchen Terdzö

  1. གསང་བདག་དྲེགས་པ་ཀུན་འདུལ་གྱི་ཐུགས་སྒྲུབ་ལས་བྱང་གནམ་ལྕགས་འོད་ཀྱི་དྲྭ་བ་ (Vol. 28, Text 19)
  2. གསང་བདག་དྲེགས་པ་ཀུན་འདུལ་གྱི་དབང་གི་ཆོ་ག་བཀླག་ཆོག་ཏུ་བཀོད་པ་རྡོ་རྗེའི་ཟ་མ་ཏོག་ (Vol. 28, Text 20)
  3. གསང་བདག་དྲེགས་པ་ཀུན་འདུལ་གྱི་བསྙེན་ཡིག་རིན་ཆེན་བཻ་ཌཱུརྱ་སྔོན་པོའི་ཕྲེང་བ་ (Vol. 28, Text 21)
  4. ཀླུ་ཆོག་གདེངས་ཅན་བདུད་རྩི་ (Vol. 28, Text 22)
  5. ཀླུ་གཏོར་གདེངས་ཅན་འདོད་འཇོ་ (Vol. 28, Text 23)
  6. རྫོགས་པ་ཆེན་པོ་མཁའ་འགྲོ་སྙིང་ཐིག་གི་བཀའ་སྲུང་སྲོག་སྒྲུབ་ནག་མོའི་རྒྱུད་ (Vol. 38, Text 34)
  7. དཔལ་ལྡན་སྲོག་གི་བདུད་མོ་མཆེད་ལྔའི་མངོན་རྟོགས་མཆོད་འགྲིགས་སྤུ་གྲི་རེག་གཅོད་ (Vol. 38, Text 35)
  8. བཏགས་གྲོལ་རྒྱུད་དྲུག་ (Vol. 42, Text 25)
  9. ལས་འབྲེལ་གཏེར་བྱོན་རྟ་མགྲིན་གཉེན་པོ་ལྷ་གསུམ་གྱི་ལས་བྱང་དོན་གཉིས་ལྷུན་གྲུབ་ (Vol. 46, Text 26)
  10. ཕྱག་རྡོར་དྲེགས་འདུལ་ནང་སྒྲུབ་ལས་མཐའ་ཛམ་དམར་གྱི་སྒྲུབ་ཐབས་ (Vol. 50, Text 46)
  11. དཔལ་ཕྱག་ན་རྡོ་རྗེ་དྲེགས་པ་ཀུན་འདུལ་ལས༔ དགྲ་བོ་ཀླུ་ལ་གཏད་པའི་ལས་ (Vol. 54, Text 36)
  12. རིན་པོ་ཆེ་དབང་གི་ཕྲེང་བ་ (Vol. 56, Text 13)
  13. རིན་པོ་ཆེ་དབང་གི་ཕྲེང་བ་ (Vol. 56, Text 14)
  14. རྫོགས་པ་ཆེན་པོ་མཁའ་འགྲོ་སྙིང་ཐིག་གི་ཁྲིད་ཡིག་ཟབ་ལམ་གསལ་བྱེད་ (Vol. 56, Text 15)
  15. མཁའ་འགྲོ་སྙིང་ཐིག་གི་བརྒྱུད་འདེབས་ (Vol. 56, Text 16)
  16. མཁའ་འགྲོ་སྙིང་ཐིག་གི་བཀའ་སྲུང་ (Vol. 56, Text 17)
  17. ལས་འབྲེལ་རྩལ་གྱི་ཕྱག་རྡོར་དྲེགས་འདུལ་ནང་སྒྲུབ་དང་རྗེས་འབྲེལ་བུམ་པ་དང་གཏོར་མའི་ལས་ཚོགས་ལ་བརྟེན་པའི་དབང་བྱིན་ཚན (Vol. 61, Text 25)
  18. མཁའ་འགྲོ་སྙིང་ཐིག་གི་བཀའ་སྲུང་མ་མོ་སྲོག་སྒྲུབ་མའི་སྒྲུབ་ཐབས་དབང་དང་བཅས་པ (Vol. 61, Text 51)
  19. གཟའ་བདུད་རཱ་ཧུ་ལའི་སྒྲུབ་ཐབས་དབང་དང་བཅས་པ (Vol. 61, Text 52)
  20. གནོད་སྦྱིན་བཤན་པ་དམར་ནག་གི་སྒྲུབ་ཐབས་རྗེས་གནང་དང་བཅས་པ་གཏེར་ཁ་གཉིས་ལྡན་གྱི་ལུགས་བཞིན་བཀོད་པ (Vol. 61, Text 53)
  21. ལྷ་ཆེན་དབང་ཕྱུག་ཆེན་པོའི་སྒྲུབ་ཐབས་རྗེས་གནང་དང་བཅས་པ་ལས་འབྲེལ་རྩལ་གྱི་གཏེར་མའི་ལུགས་བཞིན་བརྗོད་པ (Vol. 61, Text 66)